| 開始為08年倒數。一直以為07係最糟糕一年，點知一年還有一年糟，唔好太天真。
返到公司繼續做未完既工作。要不停reload自己係做緊乜，太難集中。
又話會落雨，望住個天成日，都係落唔出。陰陰沈沈既天氣，比起落雨更加令人討厭。
狀態不佳，唔係好想講野。
放工食完飯，去海濱散左陣步。
個天都係未落得出雨，但點解我雙眼會有雨水。
|
| |
| 依兩日又係跆拳day。
今日班學生考帶，見咁多品段係到，打算可以行行企企，等收工。
點知最後都要落場踢幾腳試範腳，真係麻煩。
有幾個真係好難比到佢pass...真係激死，失左憶咁。
發覺咁多個場，係我個班學生先成日比人話。可能真係平日太縱佢地。點攪好呢。
轉唔返540 tim...仲想考三段個陣踢。希望兩個星期攪返掂。
真係真係好難受。
|
| |
| 今日返一返公司就搬d機去data center install d server。
野間真係ok wo。前身係做衛星通訊係唔同d。
攪左大半日，餓死人。三點先taxi返office食lunch。
原本打算去食lunch。點知佢地lunch又攪seminar~叫左pizza有剩，係剩左一個=.=
兩個人食哂。食完真係好full~
放工個陣sa突然問我做夠三個月未。我兩個月都未夠~
話感覺我好似做左好耐咁。上份工都聽過依句說話。
又話應該冇咩問題既。
哇...如果過唔到probation係好大問題。
真係咪拎黎講笑!嚇死人!
|
| |
| 仲以為今日小學停一堂，唔駛教拳...點知都未訓醒阿sir就打黎叫去lst代一堂。
十分好禮貌+未訓醒狀態下...就好順攤咁應承左。
去到d品段好幫得手，d細路又好乖。基本上行行企企食返兩味就ok。變相更加悶=.=
之後去富善練。原本想練考帶d腳，點知變左體能加free fight。
|
| |
